Njoftim Kryetari të Komunës për formimn e këshillit rinor

I nderuari Kryetar i Komuës së Likovës, të nderuar pjestar të këshillit komunal, ju sekretar dhe të gjithë ju punonjës të nderuar, na lejoni që fillimisht t`u shprehim falemnderitmet tona më të përzemërta, që pranuat dhe ofruat mbështetje morale dhe institucionale, për neve si grup rinor inicues në nivel lokal.

Ne të rinjtë e Komunës së Likovës, student, sportist e nxënës, pas një trajnimi, analize dhe  hulumtimi erdhëm në përfundim, se tani më shumë se kurrë, Komuna jonë ka nevoj për formimin e një këshilli rinor, i cili do t`i qante dhe do ti përcillte hallet dhe dertet e rinisë së Komunës tonë.

Me iniciativën e “CID”, pra, Qendrës për Dialog Ndërkulturor  dhe “MOF”, pra, Forumit Edukativo RInor, dhe me vetdëshirën tonë, ndjekëm seminarin pesë javor në Mavrov, me tëmë: “Zhvillimi i politikave Rinore dhe Kyçja e të Rinjëve në Procesin e Vendimmarrjes ne Nivel Lokal”.

Si rezultat i këtyre trajnimeve shumë dobiprurësë në njerën anë dhe si rezultat i nevojës së patjetërsueshme për krijimin e këshillit rinor në anën tjetër, e gjetëm vetën mjaft të përgaditur, që si asnjëherë më parë të marrim hapin final, dhe komunën tonë ta karakerizojmë me një këshill rinor, i cili mes tjerash do të jetë vendi më i qartë ku do të pasqyrohet gjendja dhe halli i të rinjëve.

Qëllimi i formimit të këtij këshilli rinor, parasegjithash, është të ofrojë mbështetje dhe transparenc të rinjëve të cilët ballafqohen me shumë sfida, pastaj, bashkëpunimi dhe aktivizimi i të gjitha grupeve rinore në Komunën tonë, qofshin grupe partiake, sportive, kulturore apo edhe humanitare. Nëpërmjet kësaj rruge, parashohim aktivizimin masiv të rinisë, zhvillimin e disa plan projekteve duke potencuar: debate të hapura, iniciativa ekologjike, hapjen e një biblioteke, organizimin e të rinjëve, avancimin e sportit në komunën tonë dhe bashkëpunimin apo degëzimin e shumë organizatave të dobishme në Komunën tonë. Ne mesin e agjendës dhe platformës tonë, kemi paraparë takime të rregullta me përfaqeësuesit Komunal, ose me vet Kryetarin e Komunës, të paktën njëher në muaj.

Këshilli jonë ka strukturën e vet përbërëse, pra, kryesinë, kryetarin, sekretarin, arkatarin dhe anëtarët e rregullt, ku nga çdo fshat i Komunës tonë ka nga një përfaqësues, nga çdo klub sportiv, shoqat kulturore dhe forum partiak nga një përfaqësues gjithashtu.  Poashtu, këshilli jonë, posedon dokumentet e veta zyrtare, planin strategjik, platformën, logon  si dhe faqën e vet zyrtare.

Npërmjet kësaj shkrese, tentojm dhe shpresojm që edhe më shumë ta rrisim mbështetjen dhe përkrahjen tuaj e cila nuk na ka munguar asnjëhëre, poashtu duam që të jeni të informuar detajisht për çdo veprim dhe iniciativ tonën, e cila mbi të gjitha ka karakter shoqërorë dhe synon të mirën e rinisë.

Me sinqeritetin më të madh, me shumë dashamirësi e përfundojm këtë shkresë, duke ju uruar progrese madhështore, dhe  shumë shëndet, i cili domosdoshmërisht është parakusht për çdo sukses!

Kryesia:

Ilir Osmani; Blerim Rushiti; Faton Ismaili; Behar Demiri dhe Shefije Mustafi!

Autor: ILIR OSMANI