Sot bëhen trembëdhjet vite Agim

Qysh kur zure vend në histori

Mes jetës dhe të përkohshmës o trim

Ti zgjodhe të përjetshmën, jetën në përjetësi

Në sfondin e atdheut, errësirës i dhe dritë

Dhe shqiponjave të shqiptarisë iu shua etja,

Të gjallëve iu rriten zemrat çdo vit

Kur shohim si rriten lulet mbi varreza

Shpesh kujtimet janë të pamëshirshme

Dhe shpirtat tona janë të vrarë,

Mallkuar qofshim deri në asht

Për çdo amanet tuajin, që na është tharrë.

Të gjithë plakemi, një dit do të vdesim

ju po mbeteni të fortë, po e ruani atdheun

ndoshta dashurinë e kësaj toke do ta kuptojmë

vetëm kur të mishërohemi me dheun!

Mes të djeshmes dhe të sotmes

Të nesërmën e ruajmë si frymëzim

Pakuptimsia merr kuptim me dëshmorët

Faleminderit përzemërsisht, Agim!