Sekret

Dashurinë tonë s`mund ta zbulojnë

As fallxhoret që pluma msyshi shkrijnë

As ata që kurdisin prita e kurthe

E që me kmisha paqe rrijnë.

Kam dëshmi që s`mund ta zbulojnë

Se ku fshihet dhe ku jeton,

Se zana malit u bë e pavlefshmë

Qysh kur lindi dashuria jonë.

S`mund ta zbulojnë se na shitojnë

Do të biem pre e syrit të keq

Do të shitohemi nga syt xheloz

E do të shkojmë poshtë për dreq.

Prandaj do të mbetet mister i përjetshëm

E fshehur në tela, gjemba e istikame

E pazbuluar, fshehtësi e madhe botërore

Kur hëna është 15, ujqërve u lind epsh për hakmarrje.

E ka me mbet e pazbuluar përherë

Sekret që shpirtat për të i lam në hipotek

Edhe po të vdesin trupat tona, po u zbuluam

Sekreti dhe dashuria ka për të mbet.

E ne dashurinë vet e kemi rrit

Me sakrificën tonë për një përjetësi

Në sekret të thellë lindin dashurit e tilla

Dashuri që njeriun e arsyeton si njeri.

Gjakra të bërë ujë

Ftofti nuk është vetëm në natyrë

Dikush edhe në shpirt e ka gjihmonë ftoftë

Lulebora zaten rritet në borë

Ani pse lëkura pranë zjarrit është e ngrohtë

Sa mirë që kafshët kanë lëkurë të trashë

Sigurisht ne njerëzit jemi specie e rrallë

Ngrohemi prej jasht e akull prej brenda

Ujkun e ruajmë brenda dhe e tregojm në  përrallë.

E ndjej ujkun prej brenda kur m'thot

Më tërhiq zvarrë se këtu brenda me vdek kam

Me zor ujkun jashtë e nxorra

Të gjithë një përrallë të bukur panë.

Vera vjen vetëm pas pranverës

Nanë e lumja  ban peta me rrush

Sa keq që disa nuk janë të nxehtë vetëm në natyre

Por edhe prej brenda janë gacë e prush.

Tokën do të na e shkatërrojnë

Temperaturat tona bashkë me meteorët

Derisa dridhemi si thupra nga brenda

E nga jashtë shtiremi si glladiatorët.

Kur për herë të parë sfidat ranë si brëshër

Fuqia e emocionit eci si gjarpër i përshkruar

Ndër sfidat rrënjët i lëshova ngadale

Duke ecur drejt botës që vet e kisha ëndërruarr.

Kur poezit e vjeshtës i lexova pastër

Nën gjethet e rëna gjithandej plotë rrënjë

Ende fuqia e zemrës ndërtonte ëndrra

Ëndërra që  vetëm një njeri i sfidave di t`i ëndërroj.

Ende besohet se ka jetë në botë

Përderisa qielli nuk mund të jet i sajuar

Një botë ku ende toka na fal të mirat e saj

Dhe ku nuk ndalemi duke ëndërruarr.

Sa shumë shpirta të trazuar skaj detit

Malet e larta të lodhur duke dururar

Gjithë jetën ëndërra të zgjatura shumë

Malet një kangë të bukur duke kënduar.

Nga  lindja e diellit deri atje në perëndim

Mes këtyre dy shpateve, lartë në horizont

I rrisim ëndërrat si qumështi fëmijët

Për një realitet më të fortë në sfond.

Sa herë jam zgjuar  nga jeta i pa influencuar

Drejt një jetë të pa dyer e dritare jam lëshue

Një lumë i trubulltë që barte sende nga malet

I thellë i shpejt, bash si një përrue.

Sa pasiguri më jepte ky lum ndjallakeq

Më ngjallte nostalgji përplot me mistere

Seç më kujtonte disa momente ankthi

Kujtime, vende, njerëz që bërtasin, plot putere.

Vallë jeton ndonjë peshk aty poshtë

Apo vetëm krimba, insekte që barin shkrijnë

Apo parazita të kuq e të zinjë të pashoq

Që vetëm në përronjë e coftina rrijnë.

Burimin tënd kam me bind vet unë

Me fjalët hyjnore kam për ta uruar e uruar

Ndoshta do t`i ngjallet epshi i natyrës

Ty more lum për të pastruar.

Kështu do të ngjajë jeta e njeriut

Nëse qëndron i pastër, deri në fund i duruar

Si lot i pastër, imazhi ruhet

Mbi përronjtë e njerëze duke influencuar.

Lufta nisi më 02 maj

Njerëz trima nga kjo tokë e bekuar

Nga të rrallat luftra që pa bota

Edhe gratë, fëmijët e pleqët duke luftuar.

Lufta nisi më 02 maj

Në fillim me tankse e helikoptere na granatuan

Fshati dridhej e kërcentë si top nga granatat

E trimat qëndronin duke luftuar.

Lufta nisi më 02 maj

Loti e gjaku qonin në fshat qonin dashuri

Shtëpitë morën modë të re

Disa u bën katran nga zjarri, e disa pluhur e hi.

Lufta nisi më 02 maj

Flamuj të kuq sikur zanë mali

Dikujt i humbi baba, dikujt vëllau

E shumë nënave iu humbi djali.

Lufta nisi më 02 maj

Dhe fatkeëqsisht ende s`ka mbaruar

Frontë të hapura

Me egzistencën duke luftuar.

Lufta nisi më 02 maj

Dhe ende fundi si shihet

Varfëri e skajshme or mik

Korja e bukës së ftofte ende me lot lyhet

Lufta nisi më 02 maj

Dhe luftë e heshtje me dekata

Vuajtje të reja, plage të vjetra

Përfaqësues që rrihen e politikan sakata.

Lufta nisi më 02 maj

dhe luftë e ashpër deri në amshim

pikëllim,

luftë që s`ka përfundim.