Zemërimi i një Dëshmori
(dhe dita e 2 majit)

Mos më prek në tokë e në vdekjen time;
Mos më prek në palcë e në mjaltë...
Kur isha unë në vijë të fronit, ti s'ishe as thërrime
S'ishe, as vezë,s'ishe as baltë!

Unë që dikur isha në vijë të fronit
E shkau më pinte gjakun me pambuk;
-Ti, krejt pandershëm u ngjite majë fronit,
dhe fëmijët e mi sot heqin për bukë!

Unë s`e shijoj dot aromën e lirisë,
Ti po më vret, siç më vrau shkau
Për mua është e ftoftë Ditë e lirisë
Kur sot e keqja po më vjen nga "vëllau"!